माझी वसुंधरा

पर्यावरण आणि वातावरणीय बदल विभाग

महाराष्ट्र शासन

माझी वसुंधरा- आमच्याबद्दल

  • श्री. उद्धव ठाकरे

    माननीय मुख्यमंत्री

  • श्री. अजित पवार

    माननीय उपमुख्यमंत्री

  • श्री. बाळासाहेब थोरात

    माननीय मंत्री, महसूल

  • श्री. आदित्य उद्धव ठाकरे

    माननीय मंत्री, पर्यटन, राजशिष्टाचार, पर्यावरण आणि वातावरणीय बदल

  • श्री. संजय बनसोडे

    माननीय राज्य मंत्री, पर्यावरण आणि वातावरणीय बदल

महाराष्ट्र शासनाच्या पर्यावरण व वातावरणीय बदल विभागाने माझी वसुंधरा (माय अर्थ) हा पर्यावरण संवर्धन व संरक्षणाचा अभिनव उपक्रम हाती घेतला आहे. या उपक्रमातून नागरिकांना वातावरणीय बदल आणि पर्यावरणाच्या समस्यांबद्दल जागरूक केले जाईल जेणेकरून त्यांना पर्यावरणाच्या सुधारणेप्रति जागरूकतेने प्रयत्न करता येतील.

या अभियानातून राज्याला वातावरणीय बदलाच्या समस्या सोडवण्यासाठी आणि विविध उपाययोजना हाती घेण्यातही मदत होईल.

हा विभागाकडून हाती घेतलेला भारतातील पहिला एकात्मिक उपक्रम आहे जो निसर्गाच्या “पंचमहाभूते” नावाच्या पाचही घटकांवर लक्ष केंद्रित करतो. त्यात भूमी (जमीन), जल (पाणी), वायू (हवा), अग्नी (ऊर्जा), आकाश (संवर्धन) यांचा समावेश असून त्यातून राज्याच्या शाश्वत विकासाप्रति प्रयत्न केले जातील.

माझी वसुंधरा या उपक्रमामध्ये सहा उपक्रमांद्वारे निसर्गाच्या पाच घटकांना पुनर्स्थापित करण्यावर लक्ष केंद्रित केले जाईल. वेगवेगळ्या क्षेत्रातील आणि वयोगटातील भागधारकांना सामावून घेऊन त्यांना शाश्वत विकास आणि वातावरणीय बदल यांविषयी संवेदनशील करणे हे महाराष्ट्र शासनाच्या पर्यावरण व वातावरणीय बदल विभागाच्या या उपक्रमांचे लक्ष्य आहे.

माझी वसुंधरा हा उपक्रम महाराष्ट्रातील स्थानिक संस्थांनी पर्यावरणाच्या सुधारणेसाठी संभाव्य कृती बिंदू ओळखावे यावर लक्ष केंद्रित करतो (माझी वसुंधरा अभियान). यामध्ये वैयक्तिक पातळीवर प्रत्येक नागरिकाला जोडण्याचे देखील उद्दीष्ट आहे (# ईप्रतिज्ञा). यामध्ये शासकीय संस्थांना (माझी वसुंधरा शिखर परिषद), स्थानिक व जागतिक कॉर्पोरेट संस्था (माझी वसुंधरा कॉर्पोरेट्स) यांना जोडण्याचे तसेच सर्व राष्ट्रीय व आंतरराष्ट्रीय नॉन प्रॉफिट संस्था (माझी वसुंधरा नॉन प्रॉफिट) यांना बदलावर लक्ष ठेवण्यासाठी एका छत्राखाली आणण्याचे उद्दीष्ट आहे. इतकेच नव्हे तर माझी वसुंधरा उपक्रमाने भावी पिढीत हरित मूल्ये रुजविण्यासाठी पुढाकार घेतला आणि महाराष्ट्रातील शालेय विद्यार्थ्यांसाठी अभ्यासक्रम विकसित करण्याची योजना आखली (माझी वसुंधरा अभ्यासक्रम), ज्याची सुरूवात महाराष्ट्र शासनाच्या शिक्षण व क्रिडा विभागाद्वारे पुढच्या शैक्षणिक वर्षात केली जाईल.

मित्र परिवार कॉर्पोरेट्स : 331564 दिनांक : 20 Sep 2021